സിനിമാ നിര്മാണത്തിന് ബാങ്ക് വായ്പ അനുവദിക്കുന്നില്ലെന്നും അതിനാല് റിസര്വ് ബാങ്ക് ഉദ്യോഗസ്ഥര്ക്ക് സിനിമാ കാണാനുള്ള അവകാശം ഇല്ലെന്നും സംവിധായകന് അല്ഫോണ്സ് പുത്രന്. സിനിമയെ നശിപ്പിക്കാനുതകുന്ന വിഷയം പ്രധാനമന്ത്രി നരേന്ദ്ര മോദി പരിശോധിക്കണമെന്നും അല്ഫോണ്സ് പുത്രന് പറയുന്നു. സോഷ്യല് മീഡിയയിലൂടെ ആയിരുന്നു സംവിധായകന്റെ പ്രതികരണം. പശുവിന്റെ വായ അടച്ച് വച്ചതിന് ശേഷം പാല് പ്രതീക്ഷിക്കരുത്.
എന്നാല് സംവിധായകന്റെ ഈ പ്രസ്താവനയുമായി ബന്ധപ്പെട്ട രസകരമായ പ്രതികരണങ്ങളാണ് സമൂഹമാധ്യമങ്ങളില് നിറയുന്നത്. ചിലര് ഇതിനെ ട്രോള് രൂപത്തിലും പരിഹസിക്കുന്നുണ്ട്. ഇതിനോട് സംവിധായകന്റെ മറുപടി ഇങ്ങനെ:
”സിനിമയില് ആളുകളുടെ 24 കരകൗശലങ്ങളുണ്ട്. എഴുത്തുകാരന്, നിര്മാതാവ്, മേക്കപ്പ്മാന്, കോസ്റ്റ്യൂം ഡിസൈനര്, കലാസംവിധായകന്, ഛായാഗ്രാഹകന്, എഡിറ്റര്, അഭിനേതാക്കള്, സംഗീത സംവിധായകന്, ഡബ്ബിങ് തുടങ്ങി എല്ലാവരുടെയും പട്ടിക ഇങ്ങനെ നീളുന്നു. നാമെല്ലാവരും എങ്ങനെ ചൂതാട്ടക്കാരായി? സലൂണ് നടത്തുന്നവന് ചൂതാട്ടക്കാരനല്ല.. സിനിമയില് മേക്കപ്പ് ചെയ്താല് അയാള് ചൂതാട്ടക്കാരനാകും. എങ്ങനെയാണ് സിനിമ ചൂതാട്ട വിഭാഗത്തില് ഉള്പ്പെടുത്തിയിരിക്കുന്നത്? ഒരൊറ്റ സിനിമയ്ക്ക് 40-ലധികം അവകാശങ്ങള് വില്പ്പനയ്ക്ക് ഉണ്ട്. വായ്പ നല്കരുതെന്ന നിയമം പണ്ടേ നിലനിന്നിരിക്കാം. ഇപ്പോള് സാഹചര്യം വ്യത്യസ്തമാണ്.”-അല്ഫോന്സ് പറയുന്നു.
തന്റെ പുതിയ തമിഴ് സിനിമയുടെ പണിപ്പുരയിലാണ് അല്ഫോന്സ് പുത്രന്. റൊമാന്റിക് കഥ പറയുന്ന ചിത്രം ഏപ്രില് അവസാനത്തോടെ ആരംഭിക്കും.
